Պայմաններ

Ծառայություն մատուցող՝ ԱՁ Արսեն Մարտիրոսյան · ՀՎՀՀ 49709571

Այս պայմանները կարգավորում են webmall.am ծառայության օգտագործումը։ Գրանցվելով և հայտ ուղարկելով՝ Դուք ընդունում եք դրանք։ Պայմանագիրը ծառայությունների վճարովի մատուցման պայմանագիր է (ՀՀ քաղաքացիական օրենսգիրք, հոդվածներ 777–781)։

Ծառայությունը

• Մենք տրամադրում ենք պատրաստի առցանց խանութ՝ ընտրված մոդուլներով, հոստինգով, անվտանգության թարմացումներով և պահուստավորմամբ։
• Խանութը հասանելի է name.webmall.am հասցեով կամ Ձեր սեփական դոմենով՝ այն հաստատելուց հետո։
• Ծառայությունը մատուցվում է վճարված ժամկետով (30 կամ 365 օր) կամ մեր կողմից տրամադրված անժամկետ հիմունքով։

Պայմանագրի կնքում և վճարում

• Հայտը ստուգում և հաստատում ենք, հետո Դուք վճարում եք։ Մենք կարող ենք մերժել հայտը՝ նշելով պատճառը։
• Վճարման, չեղարկման և գումարի վերադարձի կարգը նկարագրված է «Վճարում» էջում։

Ձեր պարտավորությունները

• Վաճառել միայն օրենքով թույլատրված ապրանքներ և ծառայություններ և ունենալ անհրաժեշտ թույլտվությունները։
• Տալ ճշգրիտ տեղեկություններ Ձեր, Ձեր խանութի և ապրանքների մասին։
• Ձեր գնորդների առջև պատասխանատվություն կրել ապրանքների, առաքման և վերադարձի համար, այդ թվում՝ «Սպառողների իրավունքների պաշտպանության մասին» ՀՀ օրենքով։
• Ձեր գնորդների անձնական տվյալները մշակել «Անձնական տվյալների պաշտպանության մասին» ՀՀ օրենքին համապատասխան։ Դուք եք այդ տվյալների մշակողը, մենք դրանք պահում ենք Ձեր հանձնարարությամբ։
• Պահպանել Ձեր հաշվի գաղտնաբառը և չփոխանցել մուտքը երրորդ անձանց։

Մեր պարտավորությունները

• Ապահովել խանութի աշխատանքը, թարմացումները և տվյալների պահուստավորումը։
• Պատասխանել Ձեր հարցերին հաշվի «Նամակներ» բաժնում։
• Նախապես տեղեկացնել պլանավորված աշխատանքների և պայմանների փոփոխությունների մասին։
• Մենք չենք ստուգում Ձեր խանութի բովանդակությունը, սակայն ակնհայտ անօրինական բովանդակության մասին տեղեկանալիս ձեռնարկում ենք միջոցներ։

Կասեցում և դադարեցում

• Վճարված ժամկետը լրանալուց հետո խանութը դառնում է անհասանելի գնորդների համար։ Տվյալները պահում ենք ևս 30 օր, որ կարողանաք երկարաձգել։
• Պայմանների էական խախտման դեպքում (օրինակ՝ արգելված ապրանքներ, խարդախություն) կարող ենք կասեցնել խանութը՝ տեղեկացնելով Ձեզ։
• Դուք կարող եք հրաժարվել ծառայությունից ցանկացած պահի (ՀՀ ՔՕ հոդված 780)։

Պատասխանատվություն

• Մենք պատասխանատու ենք միայն մեր մեղքով պարտավորությունների չկատարման կամ ոչ պատշաճ կատարման համար։ Մենք մեղավոր չենք, եթե ձեռնարկել ենք մեզանից կախված բոլոր միջոցները (ՀՀ ՔՕ հոդված 417, մասեր 1 և 3)։

Մենք պատասխանատու չենք՝

• Ձեր խանութի բովանդակության, ապրանքների, գների, ինչպես նաև Ձեր և Ձեր գնորդների միջև գործարքների համար։
• Ձեր կամ Ձեր աշխատակիցների գործողությունների, գաղտնաբառի կորստի կամ այլ անձի փոխանցելու հետևանքների համար։
• Մեր վերահսկողությունից դուրս ծառայությունների խափանումների համար՝ բանկեր և վճարային համակարգեր, դոմենների գրանցողներ, Ձեր ինտերնետ կապը։
• Անհաղթահարելի ուժի, այսինքն՝ արտակարգ և տվյալ պայմաններում չկանխատեսվող հանգամանքների հետևանքով չկատարման համար (ՀՀ ՔՕ հոդված 417, մաս 3)։
• Բաց թողնված օգուտի՝ չստացված եկամտի, վաճառքների կամ գործարար համբավի կորստի համար։

Սահմանափակումներ և փոխհատուցում՝

• Մեր ընդհանուր պատասխանատվությունը չի գերազանցում վնասի առաջացմանը նախորդած 12 ամսում տվյալ խանութի համար Ձեր վճարած գումարը (ՀՀ ՔՕ հոդված 17, մաս 1)։
• Մեր մեղքով խանութի աշխատանքի ընդհատման դեպքում փոխհատուցում ենք՝ երկարացնելով վճարված ժամկետը ընդհատման տևողությամբ՝ կլորացված դեպի վեր մինչև ամբողջ օր։
• Դուք հատուցում եք մեզ պատճառված վնասը, եթե այն առաջացել է Ձեր խանութի բովանդակության կամ գործունեության հետևանքով, այդ թվում՝ երրորդ անձանց պահանջներից։
• Մենք պահուստավորում ենք տվյալները, սակայն խորհուրդ ենք տալիս պարբերաբար արտահանել դրանք կառավարման վահանակից։
• Պահանջները ներկայացրեք հաշվի «Նամակներ» բաժնից կամ էլ․ նամակով՝ խնդիրը հայտնաբերելուց հետո 30 օրվա ընթացքում։
• Այս սահմանափակումները չեն կիրառվում դիտավորյալ խախտման դեպքում (ՀՀ ՔՕ հոդված 417, մաս 4) և չեն սահմանափակում սպառողի՝ օրենքով երաշխավորված իրավունքները։

Փոփոխություններ և վեճեր

• Պայմանների փոփոխության մասին տեղեկացնում ենք էլ․ նամակով՝ առնվազն 14 օր առաջ։ Չհամաձայնվելու դեպքում կարող եք հրաժարվել ծառայությունից՝ «Վճարում» էջի կանոններով։
• Կիրառվում է ՀՀ օրենսդրությունը։ Վեճերը լուծում ենք բանակցություններով, իսկ համաձայնության չգալու դեպքում՝ ՀՀ դատարաններում։