Վճարում
Ընդունում ենք
Վճարման կարգ
- Ծառայությունը մատուցվում է ծառայությունների վճարովի մատուցման պայմանագրով (ՀՀ քաղաքացիական օրենսգիրք, հոդվածներ 777–781)։
- Գինը ՀՀ դրամով է և հաշվարկվում է ավտոմատ՝ ըստ ժամկետի և մոդուլների։ Հայտը նախ հաստատում ենք, հետո վճարում եք։
- Վճարման եղանակներ՝ բանկային քարտ (ArCa, Visa, Mastercard) բանկի անվտանգ էջում կամ բանկային փոխանցում։ Քարտի տվյալները մենք չենք ստանում և չենք պահում։
- Ծառայությունը ակտիվանում է վճարումը բանկից հաստատվելուց հետո։
Չեղարկում
- Մինչև վճարումը հայտը կարող եք չեղարկել ցանկացած պահի՝ առանց վճարի։
- Վճարումից հետո կարող եք հրաժարվել ծառայությունից ցանկացած պահի՝ վճարելով միայն արդեն մատուցված մասի համար (ՀՀ ՔՕ հոդված 780, մաս 1)։
- Եթե ծառայությունը դադարեցնում ենք մենք, և դա Ձեր կողմից պայմանների խախտման արդյունք չէ, վերադարձնում ենք չօգտագործված մասը և հատուցում վնասները (ՀՀ ՔՕ հոդված 780, մաս 2)։
- Չեղարկման կամ վերադարձի համար գրեք մեզ հաշվի «Նամակներ» բաժնից։
Գումարի վերադարձ
Վերադարձվում է վճարված գումարի այն մասը, որը համապատասխանում է չօգտագործված օրերին․
Վերադարձ = վճարված գումար ÷ վճարված օրեր × չօգտագործված օրեր
- Օրերը հաշվվում են ծառայության ակտիվացման օրվանից։ Դիմումի օրը համարվում է օգտագործված։
- Հաշվարկը կատարվում է իրականում վճարված գումարով՝ զեղչը կամ պրոմոկոդը հաշվի առնելով։ Արդյունքը կլորացվում է դեպի ներքև՝ մինչև ամբողջ դրամ։
- Սխալ կամ կրկնակի գանձումը վերադարձվում է ամբողջությամբ։
- Առանց վճարման տրամադրված ժամկետի համար վերադարձ չի կատարվում։
Օրինակներ (գները պայմանական են)․
- 30 օր՝ 4 900 ֏։ Հրաժարվում եք 10-րդ օրը։ Չօգտագործված է 20 օր․ 4 900 ÷ 30 × 20 = 3 266 ֏։
- 365 օր՝ 49 000 ֏։ Հրաժարվում եք 100-րդ օրը։ Չօգտագործված է 265 օր․ 49 000 ÷ 365 × 265 = 35 575 ֏։
- Մոդուլը ավելացրել եք մնացած 15 օրվա համար՝ 750 ֏։ Անջատում եք 5 օր հետո։ 750 ÷ 15 × 10 = 500 ֏։
- 4 900 ֏-ը գանձվել է երկու անգամ։ Երկրորդ գանձումը՝ 4 900 ֏, վերադարձվում է ամբողջությամբ։
Ինչպես և երբ ենք վերադարձնում․
- Գումարը վերադարձվում է նույն եղանակով, որով վճարվել է՝ քարտով վճարումը նույն քարտին, փոխանցումը՝ նույն հաշվին։ Վերադարձը կատարում ենք դիմումից հետո 10 աշխատանքային օրվա ընթացքում, իսկ բանկի կողմից մուտքագրումը կարող է տևել ևս մի քանի օր։
- Եթե ծառայությունը ձեռք եք բերում որպես սպառող (ոչ ձեռնարկատիրական նպատակով), կիրառվում են նաև «Սպառողների իրավունքների պաշտպանության մասին» ՀՀ օրենքի դրույթները։