Գաղտնիություն

Այս էջը նկարագրում է, թե ինչ անձնական տվյալներ է մշակում webmall.am-ը, ինչու և ինչպես։ Մշակումը կատարվում է «Անձնական տվյալների պաշտպանության մասին» ՀՀ օրենքին համապատասխան։

Ինչ տվյալներ ենք հավաքում

Հաշիվ՝ անուն, էլ․ հասցե և գաղտնաբառ (պահվում է միայն ծածկագրված՝ hash)։
Հայտ և խանութ՝ խանութի անվանում, հասցե, դոմեն, հեռախոսահամար, գործունեության նկարագրություն։
Վճարումներ՝ պատվերների գումարներ, ժամկետներ, վճարման եղանակ և բանկի գործարքի համար։ Քարտի տվյալները մուտքագրվում են միայն բանկի էջում, մենք դրանք չենք ստանում և չենք պահում։
Նամակներ՝ «Նամակներ» բաժնում Ձեր և մեր թիմի միջև հաղորդագրությունները։
Տեխնիկական տվյալներ՝ IP հասցե, մուտքի ժամանակներ և լիցենզիայի ստուգումների գրառումներ՝ անվտանգության և խափանումների վերլուծության համար։

Ծառայությունը մատուցելու, հայտը ստուգելու, վճարումն ընդունելու և խանութը գործարկելու համար։
Ծառայության վերաբերյալ ծանուցումներ ուղարկելու համար (հաստատում, վճարում, ժամկետ, պայմանների փոփոխություն)։ Գովազդային նամակներ չենք ուղարկում առանց Ձեր համաձայնության։
Անվտանգության, չարաշահումների կանխման և օրենքով սահմանված պարտականությունների կատարման համար։

Հիմքը Ձեր համաձայնությունն է, որը տալիս եք գրանցվելիս և հայտ ուղարկելիս (օրենքի հոդվածներ 8 և 9)։

Ձեր խանութի գնորդների տվյալների մշակողը Դուք եք։ Մենք դրանք պահում և մշակում ենք միայն Ձեր հանձնարարությամբ՝ որպես լիազորված անձ (հոդված 14)։
Մենք այդ տվյալները չենք օգտագործում մեր նպատակների համար և չենք փոխանցում այլոց, բացի օրենքով նախատեսված դեպքերից։

Բանկին և վճարային համակարգին՝ միայն վճարումը կատարելու համար։
Հոստինգի և էլ․ նամակների առաքման ծառայություններին՝ միայն ծառայությունը մատուցելու համար և նույն պաշտպանության պայմաններով։
Պետական մարմիններին՝ միայն օրենքով նախատեսված դեպքերում (հոդված 26)։
Տվյալները չենք վաճառում և չենք փոխանցում գովազդային նպատակներով։

Հաշվի տվյալները պահում ենք, քանի դեռ հաշիվը գործում է։
Հաշիվը հեռացնելիս անձնական տվյալները ջնջվում են։ Վճարումների գրառումները պահվում են օրենքով սահմանված ժամկետով՝ առանց Ձեր հաշվի հետ կապի։
Խանութի ժամկետը լրանալուց հետո դրա տվյալները պահում ենք 30 օր, հետո ջնջում։

Կապը գաղտնագրված է (HTTPS), գաղտնաբառերը պահվում են hash-ով, պահուստներին հասանելիությունը սահմանափակ է։
Տվյալներին հասանելիություն ունեն միայն այն աշխատակիցները, որոնց դա անհրաժեշտ է աշխատանքի համար։

Օգտագործում ենք միայն անհրաժեշտ cookie-ներ՝ մուտքը պահելու և ձևերը պաշտպանելու համար։ Վերլուծական կամ գովազդային cookie-ներ չենք օգտագործում։

Ստանալ տեղեկություն Ձեր տվյալների, մշակման նպատակների և ստացողների մասին (հոդված 15)։ Գրավոր հարցմանը պատասխանում ենք 5 օրվա ընթացքում (հոդված 20)։
Պահանջել ուղղել, ուղեփակել կամ ոչնչացնել ոչ ճշգրիտ, հնացած կամ ավելորդ տվյալները։ Դա կատարում ենք անհապաղ կամ 3 աշխատանքային օրվա ընթացքում (հոդված 20)։
Հետ կանչել համաձայնությունը (հոդված 9)։ Դա նշանակում է հաշվի հեռացում և ծառայության դադարեցում։
Անունը և էլ․ հասցեն կարող եք փոխել, իսկ հաշիվը հեռացնել «Կարգավորումներ» բաժնից։ Մնացած հարցումների համար գրեք «Նամակներ» բաժնից։
Բողոքարկել Անձնական տվյալների պաշտպանության գործակալություն կամ դատարան (հոդված 17)։